எனக்கு உன் மீதான
எந்தவொரு உடன்பாடுமில்லை.
உன் மொழி
என்னில் சிறு மயிரைத்தானும்
உதிர்த்தாது. உறுதியாக்காது.
சிரைக்காது. செப்பனிடாது.
சிலவேளை...
உன்னிலும் அதுவாகவே.
உனக்கான தனித்துவமுண்டு.
அது எனக்கும் கூட.
உனதான முன்மொழிவுகளை
முன்னிறுத்த
உனக்கும் எனக்கும் முன்பாகவொரு
பெருவெளி அனுமதிக்கப்பட்டிருக்கிறது
நம்மால்.
அதிலெதையும் விட்டுச்செல்ல
உனக்கு உரித்துண்டு.
அது எனக்கும் கூட.
அதிலெதையேனும்
மாற்றம் செய்யவும் மறுப்பேதுமில்லை
எவருக்கும்.
ஆனாலும்...
எனக்கு உன் மீதான
எந்தவொரு உடன்பாடுமில்லை
தனித்ததாக.
வெள்ளி, 21 நவம்பர், 2008
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக