சிராய்ப்பு

இரவின் அடர்ந்த இருட்டை  எதிர்க்கும்

சாலை விளக்குகளின் துணிவு

கண நேரத்தில் 

எனக்குள் தைரியத்தை ஊட்டிவிடுகிறது.

முந்துவதும் பின்தள்ளப்படுவதுமாக 

நகரும் வாகனங்கள்

நடைமுறை வாழ்க்கை நியதியை

நம்ப வைக்கின்றன.

பாதையைக் குறுக்கிடத் தடுமாறும்

 வயோதிபரின் அவசரத்தில் 

எல்லோருமாக வாழ்நாட்களை 

சுவாரசியம் அற்றதாக்கிவிடுகிறோம்.

[16/12/2025,   6:47 pm]

சம்பூர் வதனரூபன்.