நீ விடைபெற்ற சில நொடியில்
சிதறிப்போன என் சுயத்தைத்
தேடிப்பொறுக்கி சேமிப்பதற்குள்ளாக
எனக்குள்
ஆயிரம் சிலுவைகளை
சுமந்து தவி்த்த உணர்வு
தவறு ஒன்றுக்காய்
நீ தவித்த பொழுதுகளில்
மழை நேரத்துத் தாழ்வாரப்பீலியாக
மனம் அழுது வடித்தது பற்றி
நீ அறியமாட்டாய்
என் மௌனத்தைக் கலைப்பதற்காக
நீ மனநோயாளியாகி
என் பின்னே பிதற்றித் திரிந்ததும்
உன்னை மாற்றத் துணிந்த
என் அத்தனை முயற்சிகளும்
பிள்ளைக்கால
விளையாட்டுத்தனம் என்றாலும்
அவை என் மனதை பிசைந்து
உன்னை என் மனதிற்குள்
கல்வெட்டாய் வார்த்துவிட்டுப் போனது
என்பதே உண்மை.
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக