உனக்குப் பிடிக்கும் என்றும்
உன்னைப் பிடிக்கும் என்றும்
கவிதை எழுதியவன்
உனக்கு உறவானதால்
என் எதிரிகளையும்
நண்பர்கள் ஆக்கியவன்
உன்னைத் தவிர
எந்தப் பூக்களுமே அழகில்லை
என்றவன்
உன்னோடு பேசியே
தமிழ் மறந்து போனவன்
உன் மடியில் உறங்கி
மீண்டும் என்
தாய்மடி சுகம் கண்டவன்
உன்னைப் பிரிந்ததற்காய்
வெட்ட வெளியில் நின்று
தனியே வாய்விட்டு அழுது பார்த்தவன்
நீ வாழ்வதற்காகவும்
நான் வெல்வதற்காகவும்
தோற்றுப்போனவன்
உன் கூண்டுக்குள்
நுழைவதற்காய்
சிறகுகள் நறுக்கிக் கொள்ளவும்
உன் குடிசைக்குள் வாழ
தலை குனியவும் தயாரானவன்
நீ சிரிப்பாய் என்றால்
எவர் முன்னும் கோமாளி ஆகி
கோழையாகத் துணிந்தவன்
எல்லாமே
நான்! நான் மட்டும் தான்
நம்பு.
வியாழன், 23 அக்டோபர், 2008
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக