கோபியர்களிடம் திருடிய சேலைகளைச் சேர்த்துவைத்து
கண்ணர்கள்
திரெளபதைகளைக் காத்தனர்
புதியதொரு குருசேத்திரத்தில்
பீஷ்மர்களும் துரோணர்களும் விதுரர்களுமென
சகுனிகளின் தேர்களை ஓட்டிப் போகின்றனர்.
பாரதர்கள் பகடைகளை எறிந்து
பண்டை நிலங்களை
சகுனிகளிடம் விட்டுப் போயினர்.
துச்சாதனர்கள் பார்த்திருக்க
சகுனிகளிடம் துகில்களைக் களைந்தெறிந்து
கண்ணனற்றுத் திரிகின்றனர்
திரெளபதைகள்.
கருத்துகள் இல்லை:
கருத்துரையிடுக